இன்பமே சூழ்க! எல்லாரும் வாழ்க!

"இன்பமே சூழ்க! எல்லாரும் வாழ்க!" என்பதை கவியோகி சுத்தானந்த பாரதியின் கொள்கைக் கோஷம்!அதற்கு அவர் எழுதிய பாடல் இதோ:-
இன்பமே சூழ்க! எல்லாரும் வாழ்க!

என்னும் குரலை எழுப்பிடுவோமே

கல்லார் கற்றார் ; காணார் கண்டார் ;

இல்லார் உள்ளார் ; ஈந்தார் ஏற்றார் ;

நல்லார் அல்லார் ; நம்பர் பண்பர் ;

செல்வர் எளியர் ; சிறியார் பெரியார் ;

எவரெவரேனும் எத்திசையேனும்

மானிடர் ஓரின மக்களே யாவர்

ஓர்வான் சூழும் ஓருலகத்தில்

ஓருயிர் துடிப்புடன் ஓரான்மநேயர்

சாதிமதமெனும் பேதமேயின்றித்

தீதறவாழும் செவ்விய மந்திரம்

இன்பமே சூழ்க! எல்லாரும் வாழ்கவே!